“أم زياد” لقيس سعيد : سيدي الرئيس …اسمع كلام المواطنة نزيهة رجيبة اللي لا تقففلك ولا تغشك ..

نشرت الناشطة السياسية المخضرمة نزيهة رجيبة المكناة ب”أم زياد” ، اليوم الثلاثاء 5 اكتوبر 2021 , التحديثة التالية على جدارها في الفايسبوك :

” سيدي الرئيس …اسمع كلام المواطنة نزيهة رجيبة اللي لا تقففلك ولا #تغشك :راهم المليون وثمنية ميات الف اللي خرجوا يؤيدوا في قراراتك  #كذبة كبييييرة قد سوء نية والا بهامة اللي كذبها عليك …. وحتى لو فرضنا انو الكلام صحيح (ونكرر انو موش صحيح) راهو حتى لو كان يخرج ضعفهم فهذا يتسمى مجرد تأييد معنوي ما يعطيكش تفويض باش تعمل اللي تحب ..ونذكرك (وانت استاذ قانون دستوري) ان الفوز في الاتنتخابات هو الحاجة #الوحيدة اللي تعطيك تفويض  #نسبي ومشروط بمواقفة المؤسسات الدستورية اللي سيادتك مجمدها لاكثر من شهرين
سيدي الرئيس :نشكرك على تجميد هاك الكوري اللي كان محسوب علينا مجلس وما نطلبش منك ترجعو لكن ارجوك ارجوك…. أخرج من بطانتك العاجزة وافتح مشاورات واسعة مع كفاءات البلاد الحقيقية اللي مستحيل تسمعك تغلط و تقلك “ما شاء الله” والقاو  مع بعضكم طريقة سليمة ومقبولة للرجوع بالبلاد الى وضع عادي موش استثنائي ..  راهو الاستثناء عندو حد #بالضرورة” ..