صحفية تهاجم ضحى العريبي :”ما تحشمش على روحك جاهلة وتخلص 20 مليون؟ يخلصو فيك على التفاهة؟”
صحفية تهاجم ضحى العريبي :”ما تحشمش على روحك جاهلة وتخلص 20 مليون؟ يخلصو فيك على التفاهة؟”
انتقدت الإعلامية التونسية نيروز مرزوق تصريحات التيكتوكر التونسية ضحى العريبي خلال استضافتها في برنامج فكرة سامي الفهري على قناة الحوار التونسي مع الإعلامي هادي زعيم و التي أثارت الجدل عبر وسائل التواصل الإجتماعي بعد إنتشار الفيديو التشويقي للبرنامج.
و نشرت ذات الإعلامية تدوينة تهاجم فيها التيكتوكر التونسية ضحى العريبي و قالت :” نعتذر من روحي لي ضيعت درج من عمري باش كتبت هالكليمتين كنت شنعمل فيديو أما أكيد الموضوع ما يستحقش ، تيكتوكووووز قتلك مانيش قارية و نخلص 20 مليون مالتيكتوك في ساعة هههه والله ما عرفتش اني تو نضحك و الا نبكي فرحانة بروحك لي أنت مش قارية ” جاهلة ” و تخلص 20 مليون في ساعة ؟
فرحانة لي أنت مشك متثقفة؟ ما تحشمش على روحك طالعة في التلفزة تحكي هكا؟ فرحانة لي أنت تخلص عالتفاهة؟ تحكي على مواضيع
تافهة و تفرش في حياتك الشخصية و الله و اعلم”
و أضافت معلّقة :”فاش تعمل باش تخلص ؟؟؟ فما ناس ما قراوش حتى حرف و متثقفين خير منك و يعملوا في حاجات مزيانة عاللخر و محتوى راقي جدا و أنت مشك قارية و زيد ما تعمل في شيئ في حياتك و زيد تحكي هكا فرحانة شكونك أنت و شنيا المواضيع لي تحكي فيها بالك أنت مهندسة فضاء تونسية ، بالك أنت سباحة تونسية ، بالك أنت طبيبة أو باحثة تونسية ، بالك أنت صانعة محتوي تقدم في محتوى راق يفيد الشعب ؟؟؟ تطلع تحكي هكا تشجع الشباب باش يخرج مالقرايا كيفك و يشد التيكتوك مثلا !!! ناقص هو الشباب تزيدوا تجيبوا ناس تحكي هكا في التلفزة !!!
و أردفت :”ريض على روحك” عيش اختي” احنا ما نحبوش شباب تونس “مش قاري و شادد التيكتوك ” احنا نحبوا شباب قاري و مثقف و واعي و ينفع بلادو و حتى كان مش قاري يكون فاعل في المجتمع و يقدم في محتوى مزيان و يعمل في حاجات مزيانة تحكي عليه ، نحبوا شباب يرتقي ببلادو شباب يخلي بصمة في المجتمع بثقافتوا و وعيوا و بالحاجات الباهية لي يقدم فيها و لي تفيد المجتمع..
هادي زعيم نعرفك ارقي من هكا ! فما شباب يخدم في خدمة جبارة و مش سامع بيه حد في الإعلام تنجم تجيبوا ، فما مهندسين فضاء، مهندسين ، رياضيين، فما مخترعين مشرفينا في تونس و خارج تونس تنجم تجيبهم ، فما ناس اكفاء تنجم تجيبهم فما صانعي محتوي يخدموا في خدمة مزيانة يستحقوا انك تحكي عليهم ، يزينا مالتفاهة !”
فيديو :
