عادل امام : سيبوني في حالي …

عادل امام : سيبوني في حالي …عادل امام : سيبوني في حالي …

قالت المخرجة إيناس الدغيدي من وجهة نظري، عادل إمام اكتفى.

وصل لمرحلة طبيعية جدًا لأي إنسان بعد رحلة طويلة من الشغل والتعب والنجاح، مرحلة إنه يبحث عن السلام النفسي.

الزعيم عمره ما استمتع بحياته بالشكل الكافي، طول عمره شغل ومسرح وتصوير وإرهاق، يمكن يكون أكتر فنان اشتغل وتعب في حياته.
وإذا كانت الآلة ليها عمر افتراضي، فما بالك بالإنسان؟

النهارده هو قاعد مبسوط بحياته، وسط أولاده وأحفاده، وكبر السن مش عيب… ده سنة الحياة.
كل الكلام عن إصابته بالزهايمر مجرد شائعات.

والحقيقة — على لسان أقرب الناس ليه زي يسرا ولبلبة — إنه طبيعي تمامًا، لكنه اختار يبعد عن الصخب وما بقاش مهتم بالأخبار ولا الكلام اللي ملوش لازمة.

حتى قال للمقربين: «لو في خبر وحش، ما حدش يقولّي».
هو إنسان قرر يعيش اللي فاض من عمره في هدوء وسلام.
فيا ريت نسيبه في حاله، ونبطل شائعات، ونحترم رغبته في الخصوصية.
عادل إمام مش محتاج يثبت حاجة لحد… تاريخه يتكلم عنه.
وسيظل زعيم الفن العربي، حتى وهو مختار يعيش في سلام

“اخبار نيووز ”