نرمين صفر :”الشخص الي حاول يخطفني هو ابن ممثل مشهور.. حقي ما نسلمش فيه”

نرمين صفر :”الشخص الي حاول يخطفني هو ابن ممثل مشهور.. حقي ما نسلمش فيه”

أكّدت الفنانة الاستعراضية التونسية نرمين صفر تعرّضها للاستدراج ومحاولة تحويل وجهة باستعمال سلاح أبيض في مدينة قصر سعيد من ولاية منوبة، كاشفة تواجدها بمستشفى شارل نيكول لتلقي الإسعافات.

ووفق تدوينة نشرتها صباح اليوم عبر صفحتها الرسمية في موقع فايسبوك، فقد تقدّمت المعنية بشكاية في الغرض لدى الوحدات الأمنية”.

كما نشرت نرمين لاحقا تدوينة أخرى تكشف من خلالها التفاصيل، مؤكدة أن الشخص الذي حاول استدراجها هو ابن الفنان المصري الراحل أحمد دياب وأوهمها بأن والدته مريضة وتريد لقائها.

وجاء في تدوينتها :”المج-رم مازال في حالة سراح لقاو عنده محجوز من الكوكايين يستدرج فيا عنده شهر على اساس امه مريضة عندها سرطان يحبني نمشيلها بش نطلعلها المورال و هي وحدها و هو سافر لمصر..

جاتني رسالة امبارح من رقم على اساس أمه الساعة السادسة مساء ايجاني عيش بنتي قلتلها نجيك الصباح قالتلي لا توا هاني ساهرة هزيت روحي العاشرة ليلا و اجلت موعد الأستوديو و مشيت من غير ما نفكر تبعت المكان الي قالتلي عليه فيبالي باردو طلع قصر سعيد ما نعرفش الي المكان مخطر حي شعبي ،اذاكة علاش مشيت وحدي زيد راني نعرف امه (تونسية) و نعرف بوه من ثمانية سنوات ما قابلتهمش “.

وأضافت :”ابوه ممثل مصري معروف احمد دياب متوفي علاقتي بالشاب علاقة انسانية من ثمانية سنوات ما قابلتوش كنت نعاون فيه خاطر بوه ديما يكلمني من مصر ويقلي آقف معاه ولدي مراهق طايش كنت نرجع في العلاقات اهله ونعاون فيه ماديا ..

الطفل خطط و انتحل شخصية امه الي مش موجودة اصلا جبد عليا موس (مطوى) و كركرني من شعري في الشارع و السكينة على وجهي للبالاص انقذوني الأولاد الصغيرات كي سمعو الصياح ..الجيران اخطى راسي واضرب شدوه و سيبوه ..معادش فما انسانية في هالبلاد حقي موش بش نسلم فيه”.