يوسف بحري يفضح أمين قارة :” تطردو برشا في جرتو.. قطعلهم خبزتهم وماشي بسيستام أنا ربكم الأعلى”

يوسف بحري يفضح أمين قارة :” تطردو برشا في جرتو.. قطعلهم خبزتهم وماشي بسيستام أنا ربكم الأعلى”

يوسف بحري يفضح أمين قارة :” تطردو برشا في جرتو.. قطعلهم خبزتهم وماشي بسيستام أنا ربكم الأعلى”

يوسف بحري يفضح أمين قارة :” تطردو برشا في جرتو.. قطعلهم خبزتهم وماشي بسيستام أنا ربكم الأعلى”

يوسف بحري يفضح أمين قارة :” تطردو برشا في جرتو.. قطعلهم خبزتهم وماشي بسيستام أنا ربكم الأعلى”

تواصلت تطورات ملفّ قناة الحوار التونسي مع تفاقم الصعوبات المالية التي تواجهها القناة، حيث أصبحت الضغوطات المالية الكبيرة تهدد استمراريتها وتجبرها على اتخاذ تغييرات جذرية لمواجهة هذا الوضع الصعب.

وفي هذا السياق، فقد قرر المنشط أمين قارة قطع علاقته نهائياً مع القناة واللجوء إلى القضاء لتحصيل مستحقاته المالية المتراكمة التي رفضت الإدارة تسديدها بسبب الأزمة المالية.

وقد أثار خبر مغادرة أمين قارة لقناة الحوار جدلا واسعا عبر صفحات مواقع التواصل الاجتماعي وسط عديد الروايات.
وتعليقا على ذلك، نشر المنشط والكرونيكوز بقناة الحوار سابقا، يوسف بحري والمعروف باسم “صحري بحري” تدوينة على حسابه الخاص يعتبر من خلالها أن ما فعله أمين قارة عاد له، وأنه كان سببا في طرده من القناة رفقة عدد كبير من الصحفيين العاملين هناك.

وجاء في نص التدوينة :”

Karma

برشة ناس تحكي على البرنامج متع نهار الخميس .. إنسحب ؟ طردوه ؟ خلص ؟ ما خلصش ؟
هذا الكل حكيات فارغة… أبكي على الصحافيين و العاملين ألي ما تراوهمش في الصورة ألي خسرو خدمهم … و شهاريهم !! ألي صبرو و برشة منهم تدفنو مع إنسان أناني و ما يراش بيه (و نفسرلكم).”.
وأضاف يوسف بحري :”

أنا قعدت سنين ساكت على معاملاتو و في الPolitiquement Correcte كل مرة ، على خاطر عطاني الفرصة بش ضهرت (ما تتنحلوش هذي) و لأنو دومان صغير و كنت خايف يعرقلني في ثنيتي … و مع سكوتي صدقوني عمل يدين و سقين بش يقصيني من خدم … كيما في “موزاييك” و كيما كيف حط الراس على الراس هو و منتج (مطرود ) بش أنا ما نرجعش للحوار !!

ليوم قررت نفرغ قلبي … و نفرغ قلب برشة ناس خدمو معاه و مينجموش يتكلمو

السيد هذا Possessif Manipulateur في الدم .. يعطيك فرصتك أما ما عندكش الحق تعمل جوانح .. أنا منعت منو أما ألي تحطمو أسماء عديدة … في وقت معين هربت بيه برشة و مشى في سيستام “أنا ربكم الأعلى” حتى بش تقلو هذي راهي متجيش في التلفزة … ما يسمعكش و يعمل ألي في مخو … Aucune Éthique و يحكي على Equipe و نحنا Equipe .. ما ريتش ألي في مخو يتعمل !

الخاص في المهني … يحب الحاشية متاعو ديما معاه و كان متمشيش في الخط معاهم تنجم تلقى روحك على برة … أنا مرة تنحيت من برنامج على خاطر ما مشيتش القعدة في دارو … رجعني صاحب القناة نخدم و قلي بلكشي القناة متاعو هيا بش يدخل و يخرج كيما يحب !

يا من ناس و الاسماء عديدة في كل برامجو … تعبو Psychologiquement جرت السيد هذا ، ألي تطرد و مرتو حبلة .. ألي سرقها في حوايج و هيا ما عملت شيء… ألي عملو “مشاشو” يهز و يجيب و هو Bac+5 قاري أكثر منو … و السيناريست ألي هج من البلاد بالغلبة و من غير ما نحكيو على البنات ألي خدمو معاه و ألي ما كنوش عندهم الحق تكون عندهم حياة خارج الخدمة !,تي في عرسي منع كل الفريق يحضرولي فرحتي ، على خاطر وقتها خرجت من برنامجو !

في الظاهر ينجم يضهرلكم Gentil و هو يسوق هذا بامتياز و نجح في هذا … أما ألي خدمو معاه يعرفو …
تنجمو ترجعو للحوار متاعي مع “بعلوش” في تونسنا … قال جملة تعدات مرور الكرام أما لليوم في وذني !

قال ” الناس ما تعرفش .. أما بحري أكثر واحد تضلم في التلفزة ”

و هذا ما حكيت شيء راني .. مزاااالت حكيات و غرايب … لزمهم كتاب
أنا ليوم معندي ما نخسر … حلمتي تحطمت و التلفزة و الاعلام موضوع و سكرتو … أنا ليوم في ميدان بعيد كل البعد و مرتااااح
أما إنسحب و إلى طردوه … المشهد الاعلامي نظاف شوية !

Karma is a bi-tch !”.

الفيديو :