وسيم ميقالو ينشر : بوطار موقوف إلى أن يتم اختراع تهمة !

وسيم ميقالو ينشر : بوطار موقوف إلى أن يتم اختراع تهمة !

نشر وسيم ميقالو الله على موقع التواصل الاجتماعي فايسبوك نصا يعلق فيه على ما وقه للسيد نور الدين بوطار

مدير عام إذاعة موزاييك اف ام موقوف إلى أن يتم اختراع تهمة :

رأس مال موزاييك الحصة الأكبر لبوطار و البقية مقسم على عدد من رجال الأعمال…ال 13بالمأئة متاع بلحسن الطرابلسى الي صادرتهم الدولة باعتهم العام الي فات لبوشماوي و خذات فلوسها.. يعني إذاعة كاملة على ملك الخواص.. تسألو فيه كيفاش تتسير الإذاعة متاع آش ؟؟ آش دخلكم؟؟ الرزق رزقو و حر فيه ..

جاونا عامين لتالي خبراء من وزارة المالية عملو جرد مدقق للوضعية المالية و الضريبية للمؤسسة.. ما لقاو شي .. كل الضرائب مدفوعة و خالصة .. عنا مدير مالي ما شاء الله دينار واحد يعطيك فيه ورقة .. احنا الموظفين خالصين منفنفين حقوقنا ماخذينها عال العال و الحمد لله

املاكو الكل مصرح بيها لهيئة مكافحة الفساد و كل ما ياخذ حاجة يزيد يصرح بيها … و عندو كل الوثائق متاع طريقة الدفع … هاي تسالوه آش يشري واش يبيع؟؟
دارولو على البرامج كيفاش تنتدب المنشطين و الكرونيكورات… أضحكو بالشوي عاد … قالهم عنا في موزاييك ميثاق تحريري يحكم في الخط التحريري و عنا موفق إذاعي الي هوما حاجتين تنجمو تقولو مافما كان في موزاييك .. احنا الناس كيف تسبنا.. سي الهادي السنوسي الموفق الاذاعي يطلع كل شهر في ميدي شو يقول على الملئ كل كلمة.. كل سبة قالوها المستمعين فينا… اكثرشي من هالشفافية..

و زيد السلطة مغرومة بالافلام البوليسية الأمريكية .. ياخي علاش المداهمة في الليل و الأفلام الزايدة .. كان استدعيتوه ..راو جاكم .. تحبو زعمة زعمة مجرم و شوفونا كيفاش هبطنا عليه في هبطة هوليودية تفليمية .. اخييت

و إيقاف نور الدين بوطار تم في سياق ايقافات أخرى تطال شخصيات عندها شبهات و ملفات مفتوحة ..باش زعمة زعمة هوّ معاهم في العجة .. و هو لا علاقة .. هوما في بوشوشة و بوطار في القرجاني و لا علاقة بين ملفو و ملف البقية
فركسولو دارو ما لقاو شي …. لوجو لوجو لوجو على حكاية موضوع تهمة ما لقاو شي
تم إيقافو إلي أن يلقاو تهمة .. هي واضحة ميدي شو مقلقهم … آم حاشمين و حايرين كيفاش باش يصيغولو تهمة .. هام مازالو يلوجو

ps: الهدف من هذا الكل أنو يخرج مكسور مهزوم خايف راضح و يعمل حملة طرد للكرونيكورات و يستجلب كرونيكورات زقفونيات .. يعني يحبو يتحكم في الخط التحريري . ههه و الله يضحكو .. ياخي ما تعرفوش الي الخط التحريري هوما الصحفيين .. هوما بكل تواضع و ما أدراك سيدة الهمامي و بشري السلامي و هناء سلطاني و أميرة محمد و حبيب وذان و كريم وناس و غيرهم .. هاذم كيفاش باش تتحكموا فيهم هاذم أحصنّة مسيبة .. تحبو تتحكموا فيهم .. الزملاء الاعلاميين سي ديجا يعرفوني شكون سميت