القصة كاملة …
القصة كاملة …
هذا بهاء الضيفاوي طفل مشا يخدم على روحو في المرمة مع راجل اسمو عبد الستار بش يعاون امو المريضة السرطان و خدم في دار بو سيرين الي بش نحكيو عليها زادة.
نهار الاثنين 5اوت قام الطفل كالعادة خرج للقهوة عاد جاه عرفو عبد الستار قلو ايجا حاجتي بيك و خرجوا مالقهوة جا طفل آخر بش يقعد معاهم تلفت العرف قلو ابعد من هنا خلينا واحدنا حاجتي بيه و من غدوة 6 أوت خرج الطفل على اساس ماشي للقهوة اما حسب اختو الي راتو كي خرج مالدار ما مشاش مالثنية متع القهوة. الطفل اختفى
بعد شهرين يجي خو العرف متع الطفل يقول ريت بهاء في دار خويا عبد الستار مع 9 متع الصباح و يطلع شاهد آخر يقول ريت بهاء في دار بو سيرين (عبد الفتاح) الي هو خو العرف زادة في العشية و بعد جات كرهبة كحلة هزتو.
بعد شهر : سيرين الضيفاوي بوها ( عبد الفتاح) مطلق مرتو من 13 سنة و من وقتها اختفات الأم.
سيرين كانت عندها خلافات مع بوها عبد الفتاح و خرجت من الدار و مشات تسكن عند صحبتها بوها ديما يكلم فيها في التاليفون و يقول العبارات ” تو نحطمك، تو نقتلك الخ.. ” سيرين قررت تشكي بيه و قتلو عندي كل شي مسجل و مصور نهار الي هي قررت بش تشكي اي نهار 2سبتمبر تكلمها صاحبة بوها
تقلها بوك يحب يحكي معاك و ماغير ما تشكي قالتها شيحب و في الحالات الكل بش نشكي بيه قالتلها تقابل معاه و قرر خرجت سيرين من بوتيك صحبتها الي سألتها شنوة بش تعمل بش تشكي؟ قالت اي اما بش نشوفو شيحب قبل ثم اختفت سيرين هي بدورها ولليوم. ما فما عليها حتى خبر
عام تعدى و ما فما حتى خبر عليهم
الاسماء بأكثر وضوح
العرف : عبد الستار
خوه بو سيرين : عبد الفتاح
الخو الثالث الي شهد : عبد الرزاق
القرابة بين بهاء و سيرين هي انو ابائهم ولاد خالات
📍القيروان
