تدوينة مثيرة للجدل من المحامي كمال بن خليل

تدوينة مثيرة للجدل من المحامي كمال بن خليل

في ظل إشتعال الكواليس في النادي الأفريقي

المحامي الشهير كمال بن خليل في تدوينة مثيرة للجدل على حسابه الرسمي :

#إلى_البعض

معناها مسيبين أصل المشكل إلي هو الخلاف بين المستشهر ورئيس النادي حول التسيير والتصرف المالي في المبلغ إلي حكى عليه (15مليار)ومكبشين في إنو قال ما يعرفنيش وما قابلنيش وركحتو فيّ بالسبّان ؟؟؟؟

معناها مشكلتكم أنا نكذب كي قلت قابلتو في البارك ؟ بالله شنوة رابح منها الحكاية أنا باش نختلقها؟ بالك السيد قدّس الله سره كي نقابلو إنجاز عظيم

كلامي إلي وصّلهولو البستاجية ما عجبوش ، أمورو أنا لن أغيَر موقفي وباش نقعد نقول إلي يكتب فيه المفروض تقولهولهم في وجوههم وكان عندك شك إنهم سرقوك برّ للقضاء وكل واحد يتحمل مسؤوليته .

والمصيبة إنو إلي يسبوا توّ كي تحكي على حاجة تهم النادي يقولوك غسيل وأسرار ووو أمّا كي الفرجاني يحكي قدام خلق ربي التفاصيل هاذيكا الكل ويخلّي الغير شامت ويضحك أحلى على قلبهم من العسل !!!!

الرأس ما يقصّو كان إلي خلقو ولكل من سبني وشتمني أقول : لن أغيّر توجهي إليّ هو النادي الإفريقي فقط الأشخاص عكسكم لا يعنونني ولا أسعى لكسب ودّ أي منهم ولكن وعد مني كل سبّة وكل شتيمة وكل آتهام وكل فتنة كانت منكم لي ستكون بيني وبينكم ووالله الذي لا إلاه إلا هو لن أتصدّق عليكم بعرضي ولن أسامحكم وسأدعو ربي أن يقتص لي منكم اليوم وغدا يوم نقف أمامه المنتقم الديان