أخبار المشاهير

أستاذة الانڨليزية و اليوتيوبر عبير عبدالملك تكشف هذا السر عن الممثل مهذب الرميلي.. “سيبوا الراجل”

أستاذة الانڨليزية و اليوتيوبر عبير عبدالملك تكشف هذا السر عن الممثل مهذب الرميلي.. “سيبوا الراجل”

أستاذة الانڨليزية و اليوتيوبر عبير عبدالملك صاحبة موقع 3ich english في تدوينة لها تكتب:

“كلمة حق الممثل مهذب الرميلي الي قاعد يتعرض لحملة تشويه نشوف فيها على الصفحات قاعدين ياخذوا في عبارات قالهم في سياق في مقابلته مع الهادي زعيم و يخرجوا فيها من سياقها باش يخرجوه وحش و استاذ متسلط و مربي سيء.

نور غلطت و قالت الي هي ندمت و طلبت السماح قبل ما تتطرد و قالت انه صار سوء تفاهم مابينهم و البنت نور الي تعاطفنا معاها هي بيدها تعرف انها غلطت. يعني الكلنا متفاهمين انها غلطت. و طلبت السماح علنا و هذا ان دل على شيء فانما يدل على ان مهذب الرميلي بريء من تهمها.

شفت مهذب في حالة نفسية خايبة جدا و كانه انتحاري يتعمد انه يخرج بصورة المغرور هذه الصفة الي دائما يتهموا فيها بيها في حلقة اليوم و حسيت بوجيعته هو يبكي كيفاش سبولوا امه الله يرحمها . انا عن نفسي استغربت من الاساتذة و الفنانين الي هاجموه بشراسة في عوض ما يهاجموا المعهد و الوزارة الي تفقد اساليب العقاب المناسبة.

نور ضحية قوانين غالطة و مهذب زادة ضحية شعب ناقم على الاستاذ و على الفنان خاصة. شفناه الشعب الكريم هذا كيفاش تعاطف مع الي ضرب الاستاذ بساطور و لام الاستاذ كيفاش ماسامحش و كيفاش برشا تلامذة قريب يرجعوه بطل و شفنا الاقسام كيفاش تعبات بهاشتاج شم الدم. تي انا كان يخرج تلميذ يقول عبير دمرتني و عبير بيها و عليها توة الناس الكل تصدقه بطبيعة. و كان نجيب الف شاهد. شعب لا يحب و لا يحترم المربي و هذا واقع.

المعهد عاقب نور و طردها و ليس مهذب لانه احنا الاساتذة وقت مايصير مشكل مع تلميذ نكتبوا تقرير و القرار يقعد عند الادارة. و انا نتفكر مرة حبيت نسامح تلميذ غش في الامتحان بعد ما بلغت عليه في بداية مسيرتي و الادارة رفضت. كيما في القانون فما الحق العام في المعاهد كيف كيف.

نور تطردت من معهد الفنون و ليس من التعليم . يعني التعاطف الي جاها من الفنانين و المواطنين باش يفتحلها افاق كبيرة و ان شاء الله ترجع تقرا على قريب و تحقق اهدافها و تولي فنانة و تتعلم من الدرس هذا.

سيبوا الراجل كيما قال هو انا انسان خطاء و مسامح نور و متغشش كيفاش تطردت و هو مواطن عادي ليس اله. و اي واحد فيكم كان يخرج حد يعمل عليه فيديوا يسب فيه توة يرفع عليه قضية”

زر الذهاب إلى الأعلى

أنت تستخدم إضافة Adblock

الرجاء تعطيل مانع الاعلانات لتصفح الموقع
ن