أخبار المشاهير

إبنة الراحلة منيرة حمدي تخرج عن صمتها :”تكذبو عالموتى.. يا ويلكم من ربي ومانيش بش نسكت”

إبنة الراحلة منيرة حمدي تخرج عن صمتها :”تكذبو عالموتى.. يا ويلكم من ربي ومانيش بش نسكت”

إيمان ابنة الفنانة الراحلة منيرة حمدي تكتب:

“انا من يوم توفات المرحومة فايزة الغالية و انا يعلم ربي بالنفسية اللي دخلت فيها.. فايزة انا نحبها برشة برشة و كانت من اقرب و اعز اصدقاء ماما يرحمها و عندنا برشة ذكريات حلوة تجمعنا معاها منذ الطفولة و الناس الكل تعرف هذا… و انا نعتبرها توه في مقام الوالدة الله يرحمها..

و اللي قال كلمة في حقها راني مانيش بش نسكتله.. ياخي علاش ما تحترموش البشر لا حي و لا ميت؟؟؟ ما يسلمش منكم و من شركم يا رسول الله!!!! باقي تكذبو عالموتى و ما تعتبروش زايد !!! انا سكتت قبل بكيفي كيف كذبتو في برشة حاجات على أمي يرحمها .. (ولا فايدة بش نرجعو بالتوالي )

اما توه تكذبو على المرأة و تتكلمو كيما يظهرلكم خاطر فيبالكم ما عندهاش اولاد ياقفولها؟؟؟ لا مالا غالطين برشة..

فايزة الله يرحمها خلات بنيّة و اسمها ايمان (اللي هي انا) مازال واحد يخرج يتكلم على فايزة و يقول عملت و عملت راني بش نتكلم حتى انا و نكشف المستور!!! فايزة اليوم اللي يحبها بالحق و لا حاسس عليها .. يصدق عليها و يدعيلها بالرحمة فقط ! المزايدات خبيوهم ميسالش لأرواحكم !!! و برنامج “الرشيق” هذا عطى و هذا ما عطاش راهو عيييب كبير و حرام ! و قلة تربية و اصل ! عبد بين يدين مولاه و انتوما تلقطو!!!

فمه ربي و راهي الموت ما تشاورش و اتقيو مولاكم و نقصو مالكذب و كشفان الحال على خلق ربي… رانا شادين الصف لرحمة ربي و الكلنا ماشين و بش نقابلو وجه ربي غير هي اعمار بيد الله..

يا ويلكم من ربي و مني.. و من انذر فقد اعذر .. و الله يرحمك فايزة و يرحم ماما الغالية في جنة الخلد ان شاءالله “.

زر الذهاب إلى الأعلى

أنت تستخدم إضافة Adblock

الرجاء تعطيل مانع الاعلانات لتصفح الموقع
ن