أخبار المشاهير
بالفيديو / عاطف بن حسين يهاجم الفهري :”مؤسسات إعلامية فاسدة.. وقناة مولاها داخل خارج على الحبس”
![بالفيديو / عاطف بن حسين يهاجم الفهري :"مؤسسات إعلامية فاسدة.. وقناة مولاها داخل خارج على الحبس" 1 5FC6B0B7 42D0 49B5 B28D 493C1ECEE367](https://carthageinfo.com/wp-content/uploads/2021/08/5FC6B0B7-42D0-49B5-B28D-493C1ECEE367.png)
نشر الممثل عاطف بن حسين تدوينة على حسابه بموقع التواصل الاجتماعي فايسبوك قال فيها ان تونس تزخر بإعلاميين جهابذة و محايدين و وطنيين لكن تم اقصائهم من المشهد الاعلامي التونسي .
و تابع بن حسين : عنا مؤسسات إعلامية فاسدة و فتح ملفات فسادها لا يعني ضرب حرية الرأي و التعبير… فمة قناة تلفزية ما عندهاش حساب جاري في بنك و تخلص في الخدامة فلوس حب espèce … و عندها اشهرة لا خلصت لا المنشطين لا الكرونيكورات لا هم يحزنون…و اماليها من أكبر المتهربين الضربيين .
و أضاف : القناة لخرى مولاها داخل خارج على الحبس، و عندوا قضايا متاع مؤبد.. القناة هذي دمرت كل المنتجين و فيهم شكون مات مقهور و مع ذلك مازال السيد ينتج في المسلسلات و البرامج و يعمل في الكاستينڨ و يعتبر روحو مخرج و سيناريست و مدير ممثلين ما جابتش البلاد كيفو و هو ما يعرفش يشد الستيلو و يكتب جملة (يعرف يتكلم لغات هههههه) .
و القناة الأخرى مولاها شوية لا ولى رئيس و توة هارب ما عليه حتى خبر و حزبو كان الثاني في البرلمان المجمد، و داخل خارج على الحبس..
القنوات الأخرى ما يدخلوش أربعة دينارات من الاشهار ومع ذلك ستوديوات و منشطين و صحفيين و خدامة تخدم منين يجيبوا في الفلوس الله و رسوله اعلم .
بعض الراديوات هذاكة حدث و لا حرج..
هذا الكل صار بعد ما دمروا الصحافة المكتوبة و غرقوا الإعلام العمومي في الرشوة و التهميش.
فتح ملفات هذه المؤسسات لا يعني ضرب حرية الرأي و التعبير..
و لن يصلح حال البلاد بمثل هذه المؤسسات الاعلامية الفاسدة .
الفيديو :