يونس الفارحي متّهم بـ “سرقة” فكرة “الكابتن ماجد” !

يونس الفارحي متّهم بـ “سرقة” فكرة “الكابتن ماجد” !

قال “أحمد بالشيخ”، صاحب فكرة سيتكوم “دار العيلة”، أنه تلقّى إتصالا من أحد أصدقائه ليعلمه من خلاله، أن سيتكوم “كابتن ماجد”، “copier coller من الخدمة متاعنا”، وفق تعبيره.

وأضاف أحمد بالشيخ، قائلا: “السيتكوم متاعي مسجل في حقوق التأليف أكيد جدا ، مكتوب في 2020 ومسجل في 2021 …

قمنا مؤخرا بتصوير الحلقة صفر وقدمناها لبعض القنوات التلفزية على أساس باش ناخذوا أحنا وعد بالبث ونكملوا نصوروا وكنا باش نعدوها رمضان السنة … أنا عملت 3 تدوينات وحطيت فيهم مقطع من الكابتن ماجد ومقطع من سيتكوم دار العيلة وفما تطابق في المشاهد، منهم المشهد متاع الماكلة تقريبا هي نفسها وفما المشهد متاع السبور ومشهد متاع البومبا”، على حدّ قوله.

وتابع: “ينجم يكون فما تشابه ولكن أنو تكون نفس الفكرة متاع دار العيلة أنو الأولاد يمشيو باش يعيشو عند بوهم وبوهم يتصرف معاهم بالطريقة هذيكا فهذه حاجة مستحيلة”…

وأردف: “أحنا مازلنا في تشاور باش نقدمو قضية أو لا، لكن أنا نحترم برشا الفنان الكبير يونس الفارحي ونحترم الممثلين إللي خدموا معاه ، يحز في نفسي اني نتهم شخص كيما يونس الفارحي بالسرقة، ومع ذلك نفس الفكرة وتشابه في عديد المشاهد لهنا يخليك تشك أنو العمل متاعك تسرق”، حسب تعبيره.

يذكر أن سيتكوم “الكابتن ماجد” يعرض حاليا، على قناة “نسمة جديدة”، ومتحصّل على نسب مشاهدة مهمّة منذ إنطلاق بثّه إلى حدّ الآن.