أخبار الرياضة

عصام جمعة : سيف الجزيري فهم كلامي بالغالط … و هذا اش حبيت نوصلو

عصام جمعة : سيف الجزيري فهم كلامي بالغالط … و هذا اش حبيت نوصلو

بعد تصريحه في برنامج الدوامة لمحمد الخماسي و الذي ذكر فيه النقاط التالية :

♦️خلاف صار بين ملاعبية المنتخب بعد الشوط الأول في مباراة أستراليا
♦️سعد بڨير طلعلو sécurité للبيت باش يقلو راك خرجت من القائمة و مكلمو حتى مسؤول
♦️ سعد بقير مكانش بش يتنحى و كان بش يلعب المقابلة الأولى كونتر الدنمارك أساسي، ضحو بيه على خاطرو هو العاقل و ميعملش مشاكل والسبب في هذا هو وديع الجريء

♦️ في الأول كانو بش يتخلاو على بلال العيفة، السبب إلي لقاه جلال القادري بش ينحي بلال ما لعبش برشا مقابلات و لكن شعب الفايسبوك كان السبب في رجوعو
♦️ اللاعب الثاني لي كانو بش يتخلاو عليه هو الخنيسي عملولو كشف طبّي بساعتين فمّاش ما يلقاو إصابة ما لقاوش ولاّو خلاّوه

♦️ اللاعب الثالث هو الجزيري و لكن الحاجة لي شفعتلو هو يسال شقيق رئيس الجامعة وجيه الجريء فلوس ولاّو خلاوه، هذا لكل صار بش يزيدو حارس رابع
نزّل اللاعب الدولي السابق عصام جمعة تدوينة للتوضيح قال فيها :

اليوم في المداخلة متاعي على اذاعة ifm في برنامج “الدوامة” قلت برشة حاجات بدافع الغيرة على المنتخب و على ملاعبية المنتخب اللي هوما اخواتي و زملائي و ما انجّم نكون كان وراهم من موقعي كلاعب دولي سابق …

يمكن سيف الدين الجزيري فهم بالغالط كلامي …و انا متأكد اللي سيف ما سمعش كلامي كيما تقال نتخيّل عاودوهولو هذاكة علاش هاني باش نعاود نقول كلامي كيما هو و نتحمّل مسؤوليتو …سيف عمل بطولة عربية على اعلى مستوى مع المنتخب و يستحق بلاصتو بامتياز بعد مردودو المتميز مع فريقو الزمالك المصري و صحيح حبّوا ينحيوه مالليستة كيفو كيما ملاعبية اخرين و انا اللي نددت بيه هو الممارسات هاذي و المحاباة و بالكواليس و الصداقات اللي تولّي هي المقياس باش نعيطو لملاعبي على حساب ملاعبي في حين انو فما ناس فارضة روحها من غير مزية حتى حد …بالتوفيق لكل عناصرنا الوطنية …مازال ماتش قدام فرنسا يلزم التركيز الكل يكون غادي

زر الذهاب إلى الأعلى

أنت تستخدم إضافة Adblock

الرجاء تعطيل مانع الاعلانات لتصفح الموقع
ن