لطفي العبدلي : “ميدو كان بش يولي راجل في اخر حلقة لكن بن علي تدخّل”!
لطفي العبدلي : “ميدو كان بش يولي راجل في اخر حلقة لكن بن علي تدخّل”!
كشف الاعلامي لطفي العبدلي في تصريح اعلامي ، انه قرر التخلي عن دور “ميدو” في سلسلة شوفلي حل بعد نجاحه الكبير سنة 2008 ، وقد اكد انه تلقى عرض مغري للانضمام الى الجزء الاخير لشوفلي حل الذي عرض سنة 2009 ولكنه رفض الامر بالرغم من الضغوطات الكبيرة من رئيس الدولة انذاك زين العابدين بن علي الذي طالب لطفي العبدلي اكمال دوره لتلبية طلب ابن الرئيس الاصغر.
” أنا كنت نعمل في ميدو ونجح برشا الدور … عيطولي من اللولانين في الجزء الأخير وفي حلقة راس العام وأنا وقتها عندي مسلسل اخر فيه بطولة في الوطنية … قالولي فما أمر رئاسي جاء من فوق ودورك لازم يتعمل وباش تصحح على خاطر مرت المعلم وولدو يحبو على شوفلي حل … أنا قلتلهم ميدو معادش باش نعملو هو دور ناجح وأنا فنان طموح كان فما دور آخر ولا مسلسل اخر نشارك فيه … قالولي باش تعملو بالسيف ياخي طلبت عليهم 100 مليون … ياخي ماعملتش شوفلي حل ومنعوني من المسلسل لاخر وقعدت سبعة ولا ثمنية سنين ماعنديش لحق نحط ساقي في التلفزة التونسية والجرايد الكل يسبو فيا … وهو تالمون ولد الرئيس تأثر بميدو وخاف عليه قالولي ميدو في اخر حلقة باش يولي راجل … قلتلهم ربيو ولادكم وفهموهم الانسان هذاكا موجود في العايلات الكل وماعندوش علاقة بالرجولية “.
