سمير الوافي يكشف لأول مرة عن الراتب الذي كان يتقاضاه من الإعلام وعن مهنته الجديــدة: هـــذا قداش كنت نخلص كمقدم برامج واليوم هــــذا مشروعي المهني الجديد
سمير الوافي يكشف لأول مرة عن الراتب الذي كان يتقاضاه من الإعلام وعن مهنته الجديــدة: هـــذا قداش كنت نخلص كمقدم برامج واليوم هــــذا مشروعي المهني الجديد
بعد الجدل الذي أثارته صانعة المحتوى والتيكتوكوز ضحى العريبي بتصريحاتها في برنامج فكرة سامي الفهري حول دخلها الشهري،
والتي قالت أنها تتقاضى 20 ألف دينار في الساعة الواحدة، نشر الإعلامي سمير الوافي منذ قليل تدوينة على حسابه الخاص قال فيها أنه سيصبح ناشطا على “تيكتوك”.
وقال الوافي في تدوينة نشرها على صفحته بموقع التواصل الاجتماعي فيسبوك مايلي :”
أنا بيدي باش نولي نتكتك على أيامي وعلى سعدي…وباش نهاجر للتيك توك قاللك غادي الكلام بالفلوس…والتزعبين بالفلوس…تي حتى الغمزة تخلص عليها…تي الكلام اللي تحكي فيه في القهوة والا في الحمام والا حتى كي تبدى بالعو يسوى برشة فلوس غادي…
وبما أني كلامنجي ومتكلماني…فاش قام نكسر في راسي ونكتب بلاش و مقابل جرد جامات وجادورات وساعات نزيد نتسب مللي يسوى والا ما يسواش…ويخرجولي إشاعات ويفبركولي تسريبات…تي ماو نولي اللي نكتبو نمشي نحكيه في فيديوات في التيك توك ونجرب حظي…لعل تخطف…ع الأقل نتسب وأنا خالص خير…!!!
تي قد ما باش نخلص م التلفزة كي نرجع…مستحيل نصور عشرين مليون في الساعة حتى لو انتدبتني قناة روتانا…الا اذا واحد خدم في قناة ” بورنو هوب ” حاشا ها العواشر…عاد الواحد إلى جانب نشاطو التلفزي الكاسد…يمشي يتكتك على ايامو في التيك توك…والله غفور رحيم…!!!
